बनेपा, काभ्रे । नेपाल वचत तथा ऋण केन्द्रीय सहकारी संघ लिमिटेड (नेफ्स्कून) ले  स्क्यान कार्यक्रम अन्तर्गत बुडोल सामुदायिक बचत तथा ऋण सहकारी सस्था लि.को स्थलगत सुपरिवेक्षण वैशाख १५ गते सम्पन्न गरेको छ  ।  

सहकारी क्षेत्रको पारदर्शिता, उत्तरदायित्व र सदस्य हितको सुनिश्चितताका लागि सहकारी संस्थाहरुमा स्थलगत सुपरिवेक्षण प्रभावकारी रूपमा अघि बढाइएको छ ।

बचत, ऋण, आन्तरिक लेखापरीक्षण, लगानी तथा आर्थिक कारोबारको वास्तविक स्थिति, सस्थाको भाखा नाघेको ऋण सम्बन्धमा, सदस्यहरूले पाउनुपर्ने सेवा सुविधा,  तथा संस्थाभित्र सम्भावित त्रुटी, आर्थिक जोखिम र व्यवस्थापकीय सुधारका लागि सुझाव दिनु र संस्थाको निर्णय प्रक्रिया, नेतृत्वको पारदर्शिता, उत्तरदायित्व र सदस्य सहभागिता मूल्यांकन साथै प्रविधिमा आधारित सदस्य सुचना प्रणालीको अधिकतम प्रयोग मार्फत जोखिम विश्लेषण गरी जोखिम न्यूनिकरणका उपायको खोजि गर्नु सुपरिवेक्षणको उद्देश्य रहेको छ ।

नेफ्स्कूनका सहायक कार्यकारी अधिकृत दुर्गा प्रसाद ढकाल, बरिष्ठ अधिकृत प्रेम नाथ वाग्ले र संस्थाका अध्यक्ष, प्रमुख कार्यकारी अधिकृत र उच्च तहका कर्मचारीहरुको उपस्थिति रहेको थियो ।