सिन्धुली । सिन्धुली जिल्लाको गोलन्जोर गाउँपालिका–७, खुर्कोट स्थित नेक्सस बचत तथा ऋण सहकारी संस्था लिमिटेडमा नेपाल बचत तथा ऋण केन्द्रीय सहकारी संघ लि. (नेफ्स्कून) को नियमित निरीक्षण तथा अनुगमन कार्यक्रम ’स्क्यान’ को अभिमुखीकरण कार्यक्रम सम्पन्न भएको छ ।

सदस्य सुरक्षा र व्यावसायिकतामा जोड कार्यक्रममा नेफ्स्कूनका कार्यक्रम अधिकृत सुमनराज घिमिरेले संस्थाका सञ्चालक समिति, तथा व्यवस्थापनलाई ’स्क्यान’ कार्यक्रमको महत्वबारे प्रष्ट पार्नुभयो । 

उहाँले यस कार्यक्रममा आबद्ध हुँदा संस्थाको व्यावसायिकता, सदस्य सुरक्षा र सुशासनमा पर्ने सकारात्मक प्रभावका विषयमा विस्तृत अभिमुखीकरण प्रदान गर्नुभएको थियो ।

संस्थाका सल्लाहकार तथा पूर्व अध्यक्ष नवराज श्रेष्ठले अभिमुखीकरणका लागि नेफ्स्कूनलाई धन्यवाद ज्ञापन गर्नुभयो । उहाँले भन्नुभयो, “ नेफ्स्कून सहजता र कठिन परिस्थितिमा हामी हुनुले हामीलाई उत्साहित बनाएको छ । “उहाँले स्क्यान कार्यक्रमले संस्थालाई थप व्यवस्थित र जिम्मेवार बनाउन मद्दत पुग्ने विश्वास व्यक्त गर्दै, आगामी सञ्चालक समितिको बैठकमा छलफल गरी यस कार्यक्रममा आबद्ध हुने विषयमा निर्णय गरिने जानकारी दिनुभएको छ  ।