मोरङ । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) र मोरङ जिल्ला उर्लाबारी नगरपालिका वडा नं. ४ स्थित शुभ चन्द्रसूर्य बचत तथा ऋण सहकारी सस्थां लिमिटेड बीच नियमीत निरीक्षण अनुगमन कार्यक्रम (स्क्यान) को सम्झौता भाद्र १५ गते सम्पन्न भएको छ ।

सहकारी ऐन, २०७४ को व्यवस्थामा भएका दफा २५, ९९ र १०३ को कार्यान्वयन, सहकारीका सात सिद्धान्तहरू, वचत तथा ऋण सहकारीका चार सिद्धान्तहरू, पहिलो र दोस्रो पक्षको विनियमको व्यवस्था, पहिलो र दोस्रो पक्षका नीति तथा कार्यक्रमहरूको नीतिगत तथा सैद्धान्तिक वातावरणमा वचत तथा ऋण सहकारीहरूको प्रवद्र्धन पहिलो र दोस्रो पक्षको आपसि सहयोग भएकोले विद्यमान जोखिम पहिचान एवम् व्यवस्थापन गरी सहकारी वित्त क्षेत्रमा उपलव्ध भएका नविनतम प्रविधिहरू उपयोग मार्फत निरन्तर प्रवद्र्धन, विकास र संरक्षण गर्दै क्षेत्रगत स्थायित्व सुनिश्चित गर्न सहकारी मर्म वमोजिम स्वनियमनको अभ्यास प्रवद्र्धनका लागि यो सम्झौता गरी कार्यान्वयनमा ल्याइएको छ ।

साकोसको तर्फबाट साकोसका अध्यक्ष टिकाप्रसाद अधिकारी, उपाध्यक्ष तेजकुमार कार्की, सचिव भक्तबहादुर विश्वकमा, कोषाध्यक्ष यमनाथ सुवेदी, संचालक द्धय शिवबहादुर निरौला र क्षितिज ढकाल साथै व्यवस्थापक बविता भट्टराई र ऋण सहायक चित्रबहादुर पौडेल को उपस्थिति थियो भने नेफ्स्कूनको तर्फबाट सदस्य सेवा बिभाग प्रमुख दुर्गा प्रसाद ढकाल, कार्यक्रम अधिकृत रामकृष्ण भट्टराई र व्यवसाय अधिकृत पवन घिमिरेको सहभागीता रहेको थियो ।