काठमाडौं । नेपाल बचत तथा ऋण केन्द्रीय सहकारी संघ लि.नेफ्स्कूनले सहकारी सम्बन्धी थप दुई विषयमा प्रमाणीकरण कोर्ष शुरु गर्न लागेको छ । प्राविधिक शिक्षा तथा व्यावसायिक तालिम परिषद् (सीटीइभीटी) सँगको सम्बन्धनमा नेपालमा पहिलो पटक “सहकारी व्यवस्थापक” कोर्ष सञ्चालन गरेको नेफ्स्कूनले सीटीइभीटीकै सम्बन्धनमा “रिसेप्सनिष्ट कम क्यासियर” र “सेभिङ एण्ड क्रेडिट मोबीलाइजिङ” प्रमाणीकरण कोर्ष पनि चाँडै शुरु गर्ने तयारी गरेको हो । नेफ्स्कूनले छोटो अवधिका दुवै कोर्ष अध्ययनका लागि इच्छुक व्यक्तिहरुबाट भर्ना आवेदन माग गरेको छ । 
३ सय ९० घन्टाको रिसेप्सनिष्ट कम क्यासियर कोर्ष अध्ययन गर्न न्यूतम शैक्षिक योग्यता एसईइ वा सो सरह कायम गरिएको छ भने ४० घन्टाको सेभिङ एण्ड क्रेडिट मोबीलाइजिङ कोर्षका लागि १२ कक्षा उत्तीर्ण वा सो सरहको न्यूनतम शैक्षिक योग्यता निर्धारण गरिएको छ । दुवै कोर्षको लागि हाल २० वटा सीट निर्धारण गरिएको छ ।
दुवै कोर्षका लागि आवेदन फारम भर्न तथा थप जानकारीका लागि नेफ्स्कून तालिम केन्द्रले तलको लिङ्क उपलब्ध गराएको छ ।

http://training.nefscun.org.np/

​​​​​​