दोलखा । जिल्लाको जिरी नगरपालिका वडा नं. ६ हाटडाँडास्थित आकाशदिप बचत तथा ऋण सहकारी संस्था लि. नेफ्स्कूनले संचालन गरेको पूर्ण तथा व्यावसायिक साकोस विकास कार्यक्रम (प्रोबेसन) मा आबद्ध भएको छ । आकाशदीप साकोसको कार्यालयमा फागुन २५ गते भएको प्रोेबेसन कार्यक्रमको छलफल तथा अन्तक्रिया कार्यक्रम पछि उक्त संस्था प्रोबेसन कार्यक्रममा आबद्ध भएको हो ।

सम्झौता पत्रमा संस्थाको तर्फ बाट संस्थाका अध्यक्ष मरिज बहादुर खड्का, कोषध्यक्ष धना जिरेल र व्यवस्थापक पुष्कर बहादुर खड्का तथा नेफ्स्कूनको तर्फबाट अनुगमन अधिकृत श्यामराजा तिमल्सिना र व्यवसाय अधिकृत समिट खड्काले हस्ताक्षर गर्नुभएको छ । हाल संस्थाको कुल वासलात २६ करोड १९ लाख रुपयाँ रहेको छ । संस्था यस अघि नेफ्स्कूनले संचालन गरेको  जोखिममा आधारीत साकोस सुपरिवेक्षण कार्यक्रम मा आवद्ध रहेको थियो ।