काठमाडौं । नेपाल बचत तथा ऋण केन्द्रीय सहकारी संघ लि. (नेफ्स्कून) ले विभिन्न कार्यालयमा रहेका पुराना फर्निचर तथा कार्यालय सामग्रीहरू लिलाम बिक्री गर्न शिलबन्दी बोलपत्र आह्वान गरेको छ।
नेफ्स्कूनले २०८३ मंसिर ४ गते पुनः प्रकाशित सूचनामार्फत दाङ, चाबहिल र बिर्तामोडस्थित कार्यालयमा रहेका पुराना फर्निचर तथा कार्यालय सामग्रीहरू जेजस्तो अवस्थामा छन्, सोही अवस्थामा लिलाम बिक्री गरिने जनाएको हो। इच्छुक व्यक्ति वा फर्महरूलाई सूचना प्रकाशित भएको मितिले तीन दिनभित्र शिलबन्दी दररेटसहितको प्रस्ताव पेस गर्न आह्वान गरिएको छ।
सूचनाअनुसार लिलामसम्बन्धी बोलपत्र २०८३ मंसिर ८ गते दिउँसो २ बजे सम्बन्धित सदस्य सेवा कार्यालयमा खोलिनेछ। बोलपत्रमा सहभागी हुन इच्छुक व्यक्ति वा फर्मले बोलपत्र फारमबापत फिर्ता नहुने गरी पाँच सय रुपैयाँ तिर्नुपर्नेछ।
बोलपत्र बुझाउँदा कबोल मूल्यको १० प्रतिशत रकम संघको लेखा शाखा वा तोकिएको बैंक खातामा जम्मा गर्नुपर्ने व्यवस्था गरिएको छ। साथै बोलपत्रदाताको दर्ता कागजात वा परिचय खुल्ने नागरिकताको प्रमाणित प्रतिलिपि संलग्न गर्नुपर्नेछ।
लिलाममा राखिएका सामग्रीको स्थलगत निरीक्षण गर्न इच्छुक व्यक्ति वा फर्मले कार्यालय खुलेको दिन बिहान ११ बजेदेखि दिउँसो ३ बजेसम्म सम्बन्धित कार्यालयको स्टोर शाखा वा सदस्य सेवा कार्यालयमा सम्पर्क गर्न सक्नेछन्।
सबैभन्दा बढी मूल्य कबोल गर्ने व्यक्ति वा फर्मले लिलाम स्वीकृत भएको जानकारी प्राप्त गरेको मितिले सात दिनभित्र बाँकी ९० प्रतिशत रकम दाखिला गरी सामग्री लैजानुपर्नेछ।
बोलपत्र बुझाउने वा खोल्ने अन्तिम दिन सार्वजनिक बिदा परेमा सम्बन्धित कार्यहरू कार्यालय खुलेको दिन सोही समयमा गरिने सूचनामा उल्लेख छ।
लिलाम बिक्रीमा रहेका सामग्रीहरूको पूर्ण विवरण नेफ्स्कूनको आधिकारिक वेबसाइटको डाउनलोड खण्डमा उपलब्ध गराइएको छ। इच्छुक व्यक्ति तथा फर्महरूले विस्तृत विवरण अध्ययन गरी निर्धारित प्रक्रिया पूरा गर्न सक्नेछन्।
थप विवरण : https://www.nefscun.org.np/downloads/
१ दिन अगाडि
२ दिन अगाडि
२ दिन अगाडि
३ दिन अगाडि
५ दिन अगाडि
७ दिन अगाडि
७ दिन अगाडि
१५ दिन अगाडि
२ दिन अगाडि
२२ दिन अगाडि
२२ दिन अगाडि
२२ दिन अगाडि
२० दिन अगाडि
१९ दिन अगाडि
७७ दिन अगाडि
८१ दिन अगाडि