काठमाडौं । चितवन भरतपुरको महाबौद्ध बचत तथा ऋण सहकारी संस्था लि. ले आज एक कार्यक्रमबा बीच नवौं बार्षिक साधारणसभाको औपचारिक शुभारम्भ गरेको छ । संस्थाले आजदेखि असोज २ गतेसम्म सदस्य सहभागिता गराइने र असोज ३ गते साधारणसभाको समापन गर्ने जनाएको छ । उपस्थित सदस्यहरुलाई प्रतिवेदन उपलब्ध गराउँदै सल्लाह सुझाव पेश गर्न अनुरोध गरेको छ । 

भरतपुर महानगरपालिका १, शहिदचोकमा मुख्य कार्यालय रहेको महाबौद्धले यस बर्ष सदस्यता बृद्धिको योजना सहित कार्यक्षेत्र विस्तार र सेवा केन्द्र सञ्चालनको प्रक्रिया अगाडि बढाइएको साकोसका अध्यक्ष इश्वरी प्रसाद घिमिरेले बताउनुभयो । ३ हजार १२ सेयर सदस्य, २५ करोडको कुल कारोबार रहेको महाबौद्धको २ करोड ९३ लाख सेयर पूँजी पुगेको व्यवस्थापक प्रकाश पाण्डेले जानकारी गराउनुभयो । 

साकोसले भदौ १७ गते चितवन पोष्टमा साधारणसभा सम्बन्धी सूचना सार्वजनिक गरेको थियो ।