काठमाडौं । आधारशिला कार्यक्रम अन्तर्गत भाद्र २६ र २७ गते सिन्धुलीको फिक्कल गाउँपालिकामा सहकारीहरुका लागि कोपोमिस तालिम सञ्चालन गरिएको छ ।

 नेपाल बचत तथा ऋण केन्द्रीय सहकारी संघ लि.(नेफ्स्कून) ले स्थानीय तहको मातहतमा रहेका, ग्रामिण र दुर्गम क्षेत्रमा सञ्चालित सबै प्रकृतिका सहकारीहरुलाई लक्षित गरी सुरु गरेको आधारशिला कार्यक्रम अन्तर्गत सहकारीको जागरण र विकासको द्वितीय चरणमा कोपोमिस तालिम प्रदान गरिएको हो ।

नेफ्स्कूनकी कार्यक्रम अधिकृत रिता सुवेदी र बरिष्ठ सहायक मनोहर आचार्यको सहजीकरणमा सम्पन्न तालिममा विभिन्न प्रकृतिका १५ सहकारीका प्रतिनिधिहरुको सहभागिता रहेको थियो । 

तालिममा १५ सहकारीको इमेल ठेगाना निर्माण गर्नेदेखि प्रत्येकसँग प्रत्यक्ष अभिमुखीकरण मार्फत कोपोमिसमा समष्टिगत डाटा प्रविष्टि गर्न सिकाइएको थियो ।