काठमाडौं । सिन्धुपाल्चोकको लिसंखु पाखर गाउँपालिकासँग ’आधारशिला’ कार्यक्रम कार्यान्वयन सम्झौता भएको छ । कार्यक्रम कार्यान्वय सम्झौता सँगै अब लिसंखु पाखर गापाका सहकारीहरुको जागरण र विकासको चरण सुरु भएको छ । 

नेपाल बचत तथा ऋण केन्द्रीय सहकारी संघ लि.(नेफ्स्कून) ले स्थानीय तहको मातहतमा रहेका, ग्रामिण र दुर्गम क्षेत्रमा सञ्चालित सबै प्रकृतिका सहकारीहरुलाई लक्षित गरी सुरु गरेको आधारशिला कार्यक्रम अन्तर्गत गाउँपालिकासँग कार्यक्रम कार्यान्वयन सम्झौता भएको हो । 

गाउँपालिकको कार्यालयमा सोमबार, भाद्र २७ गते आयोजित कार्यक्रममा प्रमुख प्रशासकीय अधिकृत मंगल बहादुर बिष्ट र नेफ्स्कूनका बरिष्ठ कार्यक्रम अधिकृत नविन राज दाहालले आधारिशला कार्यक्रम कार्यान्वयन सम्झौतामा हस्ताक्षर गर्नुभयो । कार्यक्रममा गाउँपालिकाका अध्यक्ष राजु लामा, उपाध्यक्ष मिठु देवी लामा, नेफ्स्कूनका सूचना प्रविधि अधिकृत राजन सुवेदी, गाउँपालिकाका सहकारी शाखाका नायव सुब्बा दिप बहादुर अधिकारी लगायतको उपस्थिति थियो । 

आधारिशला कार्यक्रम स्थानीय निकायहरुसँगको समन्वय र सहकार्यमा सबै प्रकृतिका सहकारीहरुको सशक्तिकरण गर्ने नेफ्स्कूनको नयाँ कार्यक्रम हो । आधारशिला कार्यक्रमको लोकप्रियता पछिल्लो समय बढ्दै गइरहेको छ । स्थानीय तहहरु पनि नेफ्स्कूनले सञ्चालन गरेको यो कार्यक्रममा सहभागिता जनाउँदै आफ्नो क्षेत्रका सहकारीहरुको जागरण, विकास, प्रवर्धन र सञ्जालीकरणका लागि क्रियाशिल देखिएका छन् ।