काठमाडौं । काठमाडौंको कोटेश्वरमा मुख्य कार्यालय रहेको सदस्य सेवा बचत तथा ऋण सहकारी संस्था लिमिटेडको ११आंै बार्षिक साधारणसभा कात्तिक ५ गते, शनिबार सम्पन्न भएको छ । 

साधारणसभाको उद्घाटन नेफ्स्कूनका अध्यक्ष परितोष पौड्यालले गर्नुभएको थियो । 

साधारणसभामा काठमाडौं जिल्ला सहकाी संघका अध्यक्ष ज्ञान बहादुर तामाङ, नेपाल सरकारका पूर्व सचिव विनोद केसीको विशेष आतिथ्यता रहेको थियो । 

साधारणसभालाई सम्बोधन गर्दै नेफ्स्कूनका अध्यक्ष परितोष पौड्यालले सहकारीले अव बचत तथा ऋणमा मात्र सीमित नभई समाजको विकासमा योजनाबद्ध रुपमा अगाडि बढ्नुपर्ने बताउनुभयो । सदस्यलाई आयआर्जन र उद्यमशिलता विकासमा जोड्न प्रेरित गर्नुपर्ने, योगदानमा आधारित सदस्य राहत कार्यक्रम, नीति, विधि र प्रविधिलाई प्रथामिकता दिई सञ्चालन गर्नुपर्ने बताउनुभयो । 

सहकारी नीति, विधि र प्रविधिलाई अंगिकार गरी सञ्चालन गरिएमा संस्था कहिले पनि दुर्घटनामा नपर्ने भन्दै अध्यक्ष पौड्यालले सदस्य सेवा साकोस सदस्यहरुको सेवामै केन्द्रीत रहेर अगाडि बढ्नुपर्ने बताउनुभयो । उहाँले सुशासित साकोस सञ्चालनमा कुनै समस्य आइपरे नेफ्स्कून हरवखत सहयोग गर्न प्रतिवद्ध रहेको स्पष्ट पार्नुभयो । 

१ हजार ७ सय शेयर सदस्यहरुमाझ वित्तीय तथा अन्य सेवा उपलब्ध गराउँदै आएको सदस्य सेवा साकोसको कुल वासलात १ अर्ब ४१ लाख रहेको छ । साकोसले रु. ७१ करोड बचत संकलन र रु. ७६ करोड सदस्यहरुमा ऋण लगानी गर्न सफल भएको छ ।