सुनसरी । किसान कल्याण बचत तथा ऋण सहकारी संस्था लि. इटहरीले आफ्नो २७औं स्थापना दिवसका अवसरमा आइतबार १ सय जना सदस्यलाई उत्कृष्ट पुरस्कार तथा सम्मान प्रदान गरेको छ । साकोसले उत्कृष्ट बचतकर्ताहरुमध्ये जेष्ठ नागरिक, बाल बचतकर्ता, नियमित बचतकर्ता, असल ऋणी, उत्कृष्ट शेयर खरिदकर्ता, कृषक, उद्यमी, व्यावसायी, विद्यार्थी, कर्मचारी, पत्रकार लगायतलाई सम्मानित गरेको हो । 

कार्यक्रममा उत्कृष्ट नियमित बचतकर्ता पुरस्कार  २० जना, उत्कृष्ट ऐच्छिक बचतकर्ता पुरस्कार १६ जना, असल ऋणी पुरस्कार १३ जना, उत्कृष्ट बाल बचतकर्ता पुरस्कार १५ जना, असल ज्येष्ठ नागरिक बचतकर्ता पुरस्कार २ जना, बढी पटक सेयर खरिद गर्ने सेयर सदस्य पुरस्कार १ जना, सेयर सदस्य बिस्तारमा योगदान गर्ने सदस्य पुरस्कार  १६ जना, सबभन्दा बढी बचत खाता खोली नियमित कारोबार १ जना, सक्रीय सहकारी अभियन्ता १ जना, विशेष सम्मान ३ जना,उत्कृष्ट कृषक पुरस्कार  १ जना, उत्कृष्ट युवा उद्यमी पुरस्कार २ जना, उत्कृष्ट उद्यमी पुरस्कार १ जना, उत्कृष्ट व्यवसायी पुरस्कार १ जना, उत्कृष्ट लघुवित्त समुह  ३ जना, उत्कृष्ट विद्यालय १ जना, उत्कृष्ट सञ्चारकर्मी १ जना, उत्कृष्ट कर्मचारी २ जना गरि विभिन्न १८ वटा विधामा १ सय जना व्यक्ति, संस्था र समूहलाई सम्मान गरिएको थियो । 

साकोसका अध्यक्ष शालिकराम ढकालको अध्यक्षता तथा प्रदेश नं. १ सहकारी रजिष्ट्रार कार्यालयका रजिष्ट्रार हरिबहादुर खत्रीको प्रमुख आतिथ्यतामा कार्यक्रम सम्पन्न भएको थियो । संस्थाले हरेक वर्ष विभिन्न कार्यक्रमहरु सहित भव्य रुपमा स्थापना दिवस मनाउने गरेको छ ।

२०५८ सालमा स्थापित साकोसले एशियाली स्तरको साकोस गुणस्तर सुनिश्चितताको ब्राण्ड (एक्सेस सिल्भर) समेत प्राप्त गरिसकेको छ भने राष्ट्रिय तथा अन्तर्राष्ट्रिय गुणस्तर सुनिश्चितताको कार्यक्रममा नियमित आबद्ध छ ।