काठमाडौं । स्थानीय तहहरुले सहकारीको ऋण समयमै चुक्ता नगरे कानूनी कारबाही गर्ने सूचना जारी गरेका छन् । पछिल्लो समय मुलुकभरका अधिकांश स्थानीय सरकारहरुले सहकारी संस्थाका ऋणी सदस्यहरुलाई समयमै ऋण तिर्न सूचना जारी गर्दै अन्यथा कालो सूची प्रकाशन गर्ने, बैंक खाता, जायजेथाको स्वामित्व हस्तान्तरण नामसारी वा बिक्री गर्न नपाउने तथा स्थानीय तहबाट उपलब्ध हुने सेवा सुविधाबाट वञ्चित गर्ने जस्ता कारबाही प्रक्रिया अघि बढाइने तर्फ सचेत तुल्याएका छन् ।

विराटनगर महानगरपालिकाले पनि यस्तै सूचना जारी गरी सहकारीका ऋणी सदस्यहरुलाई समयमै ऋण चुक्ता गर्न आग्रह गर्दै अन्यथा कानूनी कारवाही अघि बढाउने जनाएको छ ।