काठमाडौं । कनकलक्ष्मी बचत तथा ऋण सहकारी संस्था लि. सुन्दरहरैँचा, मोरङको पाँचौ स्थापना दिवस सुन्दरहरैचा–३, स्थित रणकाली मन्दिरको सामूदायिक भवनमा मिति २०८१ मंसिर १० गते संस्थाका अध्यक्ष नागेश पोखरेलको अध्यक्षता तथा कोशी प्रदेश सहकारी रजिष्ट्रार हरिबहादुर खत्रीको प्रमुख आतिथ्यमा संस्थाका सञ्चालक समिति, लेखा सुपरीवेक्षण समिति, सल्लाहकार, उपसमितिहरू लगायत सेयर सदस्यज्यूहरूको सक्रिय सहभागितामा म्पिन्न भएको छ ।

उक्त कार्यक्रममा सहकारी अभियन्ता नेफ्स्कूनका पूर्व कोषाध्यक्ष केशवप्रसाद पोखरेललाई राष्ट्यि अभियन्ता तथा व्यक्तित्व पुरस्कारबाट सम्मानित गरिएको छ ।

यसैगरी, स्थापना दिवसमा साविक संस्थाका संस्थापक अध्यक्षहरू, ज्येष्ठतम सेयर सदस्यहरू, विद्यावारिधि गर्ने सेयर सदस्य, असल बचतकर्ता सेयर सदस्य, उत्कृष्ट ऋण कारोवार गर्ने सेयर सदस्यहरू, अधिक संरक्षित पूँजी फिर्ताकोष प्राप्त गर्ने सेयर सदस्यहरु, उत्कृष्ट बाल बचतकर्ता, अधिक रेमिट्यान्स कारोवार गर्ने सेयर सदस्यहरू, उत्कृष्ट लघुवित्त समूह, कक्षा ११ र १२ मा उत्कृष्ट अंक प्राप्त गर्ने सेयर सदस्य तथा सेयर सदस्यका छोराछोरीहरुलाई विधागत आधारमा सम्मान गरिएको थियो ।