नेपाल बचत तथा ऋण केन्द्रीय सहकारी सघं लि. (नेफ्स्कून) ले सहकारीहरुको लागि ल्याएको नियमित निरिक्षण अनुगमन (स्क्यान) कार्यक्रम मकवानपुरको श्री सृजनशिल महिला साकोस भिमफेदि गाउपालिका ७ स्क्यान कार्यक्रममा कार्तिक २ गते आबद्ध भएको छ । 

३८औं स्थापना दिवसको दिन सार्वजनिक भएको नियमित निरिक्षण तथा अनुगमन कार्यक्रम स्क्यानले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ । सहकारी ऐन २०७४ को दफा ९९ बमोजिम संघद्धारा यो कार्यक्रमको शुरुवात गरिएको थियो ।
 
श्री सृजनशिल महिला साकोसका अध्यक्ष चन्द्रकला सुनुवार, उपाध्यक्ष बिमला गरंजा मगर, सञ्चालक समित, लेखा समिति, ब्यवस्थापक सानुकान्छि सिञ्जाली मगर, नेफ्स्कूनको तर्फबाट मकवानपुर सदस्य सेवा कार्यालय ईन्चार्ज ज्योति महत, चितवन सदस्य सेवा बिभाग कार्यालय सहायक सुरेन्द्र श्रेष्ठको उपस्थितिमा सम्झैता सम्पन्न भएको थियो ।