काठमाडौँ । अफलातुन अन्तर्राष्ट्रिय र नेपाल बचत तथा ऋण केन्द्रीय सहकारी संघ लिमिटेड (नेफ्स्कून) को संयुक्त साझेदारीमा बालबालिका उद्यमशील, सामाजिक तथा वित्तीय शिक्षा कार्यक्रम सञ्चालन गरेको छ ।  

शिक्षाले सदैव समाजमा आर्थिक र सामाजिक विषयमा सुधार गर्दै बालबालिका र युवाको क्षितिजलाई फराकिलो बनाउँन सहयोग गर्छ । यस सन्दर्भमा नेफ्स्कूनले बालबालिकामा जीवनोपयोगी सिप, अधिकार, लैङ्गिकता, उद्यम र वचत तथा भविष्यको योजनाजस्ता विषयहरु समेटिएको अफ्लाटुनसँगको प्राविधिक सहयोगमा कार्यक्रम कार्यान्वयन गरिरहेको छ । यो कार्यक्रमले विद्यालय शिक्षाको सान्दर्भिकता बढाउने मात्र नभई शिक्षाले समाज रुपान्तरणमा निर्वाह गर्ने भूमिकालाई प्रष्ट बनाउनेछ । यस शिक्षा मार्फत पढदै कमाउँदै भन्ने अभ्यासलाई उजागर गर्छ । सानो उमेर देखि स्वाबलम्बी र आत्मानिर्भर हुनुपर्छ भन्ने सिकाई र खेलमार्फत दिने शिक्षा हो । 

यसैक्रममा संघले यस आर्थिक वर्ष २०८२।०८३ देखि पढदै कमाउँदै भन्ने शिक्षा बालबालिकाहरुमा अन्र्तनिहित महसुशीकरण गराउँने अभिप्राय राखी कार्य थालनी गरेको छ । यस आर्थिक वर्षमा १०० वटा विद्यालयहरुमा यस कार्यक्रमलाई पुर्याउने लक्ष्य लिएको संघका प्रमुख कार्यकारी अधिकृत डा. शिवजी सापकोटाले व्यक्त गर्नु भएको छ । यस गणेश माध्यामिक विद्यालय, नगदेश, भक्तपुरका नौ कक्षामा अध्ययनरत बालबालिकाहरुमा यस शिक्षा प्रदान गरियो । यस कार्यक्रममा साना बालबालिकाहरुलाई साना उद्यम शुरु गर्न सानो रकम आवश्यक परेमा भक्तपुरमा रहेको र यस विद्यालयको अविभावकको रुपमा रहेको सहयोगी बचत तथा सेवा सहकारी संस्था लिमिटेड, भक्तपुरले पूँजि प्रवाह गर्ने छ । सानो उमेरमा नै जीवनमा उद्यमी वन्नु पर्छ अहिले देखि वचत गर्नुपर्छ त्यो हाम्रो भविष्य हो भन्ने महसुश गराउछ । यसको ६ भाग र ४२ सेसनहरु छन् । यसमा खण्ड १ः म र मेरो विचार, खण्ड २ः मेरो अधिकार :मेरो विचार, खण्ड ३ः मेरो लक्ष्य : मेरो छनौट, खण्ड ४ : मेरो पैसा मेरो योजना, खण्ड ५ : मेरो उद्यम र खण्ड ६ : प्रतिविम्बन र आगामी चरणहरु छन् । 

यस बालबालिकालाई औद्योगिक शिक्षा, खाद्य विज्ञान, कार्यलय सञ्चालन, चित्रकला, गार्हस्थ्य विज्ञान, काष्ठकला, गृह विज्ञान आदिबाट वन्ने उद्यमहरुको विषयमा उदाहरण दिई अभ्यास गर्न लगाइनेछ । जसले भावि दिनमा उद्यमको विषयमा जानकारी हुनेछ । वचतको भावना, गर्ने विधि, सोचाई, र अभ्यास गराइनेछ ।

यस कार्यक्रममा संघबाट प्रमुख कार्यकारी अधिकृत डा. शिवजी सापकोटा, विद्यालयका प्रमुख केशव चरण श्रेष्ठ, शिक्षक सुरज थापा र ऋषभ नेपालको सहभागिता भयो । यस कार्यक्रमलाई सहजीकरण गर्नुहुने संघको कार्यक्रम तथा विकास परियोजना हेर्ने बरिष्ठ अधिकृत नविन राज दाहाल र अधिकृत सुमनराज घिमिरेले गर्नु भएको थियो ।