मोरगं । नेफ्स्कूनद्धारा संसेवन बचत तथा ऋण सहकारी संस्था लिमिटेड, लेटागंको स्थलगत सुपरिवेक्षण मंसिर १६ गते सम्पन्न भएको छ । 

साकोसहरुको स्थलगत सुपरिवेक्षणको उद्देश्यले  सहकारीहरूलाई राज्य तथा नियामक निकायसँग समन्वय गर्दै नीति, निर्देशिका, मापदण्ड र कार्यविधिको प्रभावकारी कार्यान्वयनमा सक्षम बनाउनु, सदस्यहरूको आर्थिक सशक्तिकरणलाई प्रोत्साहन गर्नु र बचतकर्तामा विश्वास अभिवृद्धि गर्नु रहेको छ। निरीक्षणमा संसेवन साकोसको शेयर, बचत तथा ऋण व्यवस्थापन, सदस्यता प्रणाली, आन्तरिक सुशासन, लेखा प्रणाली, सूचना प्रविधि, सुरक्षण, सम्पत्ति शुद्धिकरण निवारण नीति भाखा नाघेका ऋण असुलीका चरणहरुका विषयमा छलफल भएको छ ।

नेफ्स्कूनका तर्फबाट कार्यक्रम अधिकृत मुकेश दाहाल र संस्थाको तर्फबाट अध्यक्ष सौराज राई, उपाध्यक्ष ढाकमसरी राई, कोषध्यक्ष रामप्रसाद पौडेल र व्यवस्थापक जर्मन कुमारी राई का साथै ब्यवस्थापनका कर्मचारीहको पनि उपस्थिति रहेको थिायो । साकोसले प्रोवेसन कार्यक्रममा अभ्यास गरिरहेकोमा संचालक समितिले स्क्यान कार्यक्रममा आबद्ध भई साकोसलाई थप प्रभावकारि बनाउनेमा आफुहरु लागि पर्ने बताउनुभयो ।