काठमाडौ । नेपाल बचत तथा ऋण केन्द्रीय सहकारी संघ लि. (नेफ्स्कून) बाट युगवाणी बचत तथा ऋण सहकारी संस्था लि. चन्द्रागिरी नगरपालिका ७ थानकोटको स्क्यान तथा प्रोवेसन सम्झौता तथा स्क्यान अन्र्तगत पहिलो निरिक्षण र प्रोवेसन स्थलगत सुपरिवेक्षण माघ ११ गते सम्पन्न भएको छ । 

संस्थाको  वित्तीय  कानूनी जोखिमको अवस्था, वित्तिय जोखिम, बजार जोखिम तथा सुशासन जोखिमका विषयमा स्थलगतका क्रममा सुपरिवेक्षण गरिएको थियो । संस्थाका अधिकृत किशोर सिलवालले नेफ्स्कूनले संस्थाको हालका नियामकीय परिवर्तनका विषयबस्तु समेत सूचकका रुपमा समावेश गरी स्क्यान कार्यक्रम ल्याएकोमा खुशी व्यक्त गर्दै नेफ्स्कूनको स्तरीकरण कार्यक्रमको नियमित सुपरिवेक्षणबाट संस्थाको वित्तीय स्वस्थता विकास गर्न, जोखिम न्यूनीकरण गर्न, आन्तरिक सुदृढीकरण र व्यवसायिकतामा सहयोग पुगेको बताउनुभयो  ।

संस्थाका सञ्चालक समिति पदाधिकारी तथा सदस्यहरु, व्यवस्थापनको सहभागितामा स्क्यान सम्झौता  सम्पन्न गरी सञ्चालन भएको स्थलगत सुपरिवेक्षणका  व्यवस्थापन समूहबाट  संस्थाको वित्तीय सूचक सुधार, नियामकीय व्यवस्थाको अद्यावधिक गर्न, सुशासन कायम गर्न, सदस्यहरुको विश्वास तथा संरक्षणमा सहयोग पुगेको तथा निरन्तर मार्गदर्शनको अपेक्षा गरेको बताउनुभयो । नेफ्स्कूनको नियमित सुपरिवेक्षणबाट संस्थाको निरन्तर विकासमा साकोसको सञ्चालक र व्यवस्थापन सदैव सक्रिय रहने प्रतिवद्धता व्यक्त भएको छ  ।

स्क्यान कार्यक्रम सम्झौता संस्थाका ऋण अधिकृत रेश्मा श्रेष्ठ र नेफ्स्कूनका कार्यक्रम अधिकृत सोविता मैनालीको रोहवरमा संघका सहायक कार्यकारी अधिकृत दुर्गा प्रसाद ढकाल र संस्थाका मुख्य अधिकृत किशोर सिलवालको हस्ताक्षरमा सम्पन्न भएको हो । स्क्यान तथा प्रोवेसनको स्थलगत सुपरिवेक्षण कार्यक्रम अधिकृत सोविता मैनाली र अनुगमन सहजकर्ता अप्सरा अधिकारीले गर्नु भएको थियो ।