मोरङ । ग्रामथान गाउँपालिका २ झोराहाट स्थित रेमिट बचत तथा ऋण सहकारी संस्था लिमिटेडको संस्था स्थापनाको १३औं स्थापना दिवस बिभिन्न कार्यक्रमको आयोजना गरी मनाएको छ । 

बि.स २०६९ साल माघ २८ गते तत्कालिन डिभिजन सहकारी कार्यालय मोरङमा दर्ता भएको यस साकोसले १३औँ स्थापना दिवसको अवसरमा, नेपाल रेडक्रस सोसाइटी झोराहाट शाखाको प्राबिधिक सहयोगमा २५ पिन्ट रगत संकलन गरी रक्तदान कार्यक्रम सम्पन्न गरेको थियो ।

संस्थाका अध्यक्ष श्री उमा घिमिरेको अध्यक्षता तथा झोराहाट क्षेत्रका प्रतिष्ठीत ब्यक्तीहरुको आतिथ्तामा सम्पन्न भएको थियो । नेफ्स्कूनको स्क्यान कार्यक्रममा सहभागी संस्थाको २५ करोड भन्दा बढीको कारोबार रहेको तथा ३६०० भन्दा बढी शेयर सदस्यलाई  बर्ष भरी बिभिन्न कार्यक्रम मार्फत सेवा दिइरहेको  संस्थाका ब्यवस्थापक आस्था भट्टराईले जानकारी दिनुभयो ।