भक्तपुर । सहकारी क्षेत्रमा सुशासन र सदस्यको बचत सुरक्षालाई मुख्य चुनौतीका रूपमा हेरिँदै आएको सन्दर्भमा भक्तपुरको भक्तपुर न. पा. ७ चोर्चा स्थित सिद्धि गणेश बचत तथा ऋण सहकारी संस्था लिमिटेडमा नेपाल बचत तथा ऋण केन्द्रीय सहकारी संघ लि. (नेफ्स्कून) ले नियमित निरीक्षण तथा अनुगमन कार्यक्रम (स्क्यान) अन्तर्गत जेठ २२ गते स्थलगत सुपरीवेक्षण गरेको छ । 

स्थलगत सुपरीवेक्षण नेफ्स्कूनका  सहायक कार्यकारी अधिकृत एवम् सदस्य सेवा विभाग प्रमुख दुर्गा प्रसाद ढकाल, कार्यक्रम अधिकृत सुमनराज घिमिरे  र शौभाग्य भट्टराईद्वारा भएको सुपरीवेक्षणमा सिद्धि गणेश साकोसको वित्तीय अवस्था, जोखिम व्यवस्थापन तथा कानूनी पालनाको अवस्थाबारे गहिरो अध्ययन भएको थियो । सुपरीवेक्षणका क्रममा संस्थाको आन्तरिक नियन्त्रण प्रणालीलाई थप प्रभावकारी बनाउन विभिन्न महत्वपूर्ण पक्षहरूमा केन्द्रित भई समीक्षा भएको थियो ।