भक्तपुर । बोलाछे, भक्तपुर स्थित सामुहिक बचत तथा ऋण सहकारी संस्था लि. मा नेपाल बचत तथा ऋण केन्द्रीय सहकारी संघ लि.(नेफ्स्कून) को नियमित निरिक्षण तथा अनुगमन कार्यक्रम (स्क्यान) मा दोस्रो स्थलगत सुपरिवेक्षण जेठ २७ गते सम्पन्न भएको छ । 

संघले सहकारी संस्थाहरूमा पारदर्शिता, उत्तरदायित्व, सदस्य हितको सुनिश्चितता, जोखिम न्यूनीकरण, सुशासन र दिगोपनाको प्रवद्र्धन गर्ने उद्देश्यले आफ्ना सदस्य संघ संस्थाहरुको लागि स्क्यान कार्यक्रम सञ्चालनमा ल्याई स्थलगत सुपरीवेक्षण कार्यलाई निरन्तर रूपमा अघि बढाइरहेको छ ।

नेफ्स्कूनका अनुगमन अधिकृत सुमन राज घिमिरेद्वारा भएको सुपरिवेक्षणमा समिति, कार्यदल र व्यवस्थापनको सहभागीतामा सुधारात्मक विषयहरु सहितको प्रतिवेदन पेश भएको थियो छलफलका क्रममा समिति र व्यवस्थापनद्धारा सुधार योजना तय गरी सुझाव कार्यान्वयन गर्ने संस्थाका अध्यक्ष राजाभाई भेले श्रेष्ठको प्रतिवद्धता सहित स्थलगत सुपरिवेक्षण सम्पन्न भएको छ ।