काठमाडौं । SME GG LOOP परियोजना अन्तर्गत १० दिने Training of Trainers (ToT) तालिम सोमबारदेखि काठमाडौंमा सुरु भएको छ। तालिम GIZ को आर्थिक सहयोग तथा GFA को प्राविधिक सहजीकरणमा सञ्चालन भएको हो।

यस तालिममा GIZ का साझेदार संस्था नेफ्स्कून (NEFSCUN), FWEAN, दायित्व तथा दुहबी नगरपालिकाका प्रतिनिधिहरूको सहभागीता रहेको छ  । तालिम मार्फत सहभागी संस्थाहरूले साना तथा मझौला उद्यम (SMEs) को व्यवसायिक वृद्धि र विकासका लागि निरन्तर सहजीकरण गर्ने अपेक्षा गरिएको छ।

नेफ्स्कूनले यस परियोजना अन्तर्गत २४ वटा सहकारी संस्थासँग साझेदारी गर्दै कार्यक्रम कार्यान्वयन गरिरहेको छ। कार्यक्रमको समन्वय तथा सहकार्य नेफ्स्कूनका वरिष्ठ अधिकृत नविन राज दाहालले गर्दै आउनुभएको छ।

उद्घाटन सत्रलाई सम्बोधन गर्दै नेफ्स्कूनका विभागीय प्रमुख दुर्गाप्रसाद ढकालले Business Development Services (BDS) कार्यक्रम मार्फत परियोजनालाई प्रभावकारी रूपमा कार्यान्वयन गर्दै संस्थाको लक्ष्य हासिल गर्न नेफ्स्कून सक्रिय रहेको बताउनुभयो।

तालिममा GFA का प्रमुख रोशन श्रेष्ठ, GIZ का प्रतिनिधि मोनिशा श्रेष्ठ, GFA प्रतिनिधि मिस भर्मी, अदिति राना तथा जर्मनीका विज्ञहरूको उपस्थिति रहेको छ। साथै नेफ्स्कूनका अधिकृतहरू रिता सुवेदी, राधा पौडेल, यमकला सुवेदी र पवनजंग मल्लको सहभागीता रहेको छ, भने कोचका रूपमा केदारनाथ अधिकारी, सूर्यबहादुर थापा, मदनकुमार चन्द र पूजा अग्रहरीको सहभागीता रहेको छ ।