लेटाङ, मोरङ । बचत तथा ऋण सहकारी संस्थाहरूको अन्तर्राष्ट्रिय गुणस्तर सुनिश्चितता कार्यक्रम एक्सेस (ACCESS) ब्रान्डिङ अन्तर्गत प्राविधिक मुख्य सूचकहरूमाथि केन्द्रित रही सघन स्थलगत सुपरिवेक्षण तथा प्रतिवेदन समीक्षा कार्य भाद्र १० गते सम्पन्न भएको छ । 

नेफ्स्कून का  वरिष्ठ अधिकृत प्रेमनाथ वाग्लेद्वारा लेटाङ बचत तथा ऋण सहकारी संस्था लि। मा सम्पन्न स्थलगत अन्वेषणका क्रममा संस्थागत सुशासन, कानुनी परिपालना र आन्तरिक नियन्त्रण प्रणालीका मुख्य मापदण्डहरूमाथि गहन समीक्षा गरिएको थियो । 

छलफलका क्रममा  प्रणालीगत प्रतिवेदन क्षमतालाई बलियो बनाउन राष्ट्रिय परिचयपत्र अद्यावधिक गर्ने ,  मोबाइल बैंकिङमा सिम बाहक प्रमाणीकरण (Sim Owner Verification) प्रणाली अनिवार्य गर्ने तथा पारिवारिक विवरण (Family Tree) लाई अद्यावधिक गर्ने सूचकहरुमा छलफल भएको थियो । 

सुपरिवेक्षण पश्चातको छलफलमा संस्थाका अध्यक्ष कृष्ण प्रसाद निरौला, व्यवस्थापन प्रमुख सिताराम न्यौपाने एवम व्यवस्थापनका कर्मचारीहरुको उपस्थिति रहेको थियो ।