भक्तपुर । भक्तपुरको व्यासी स्थित जनस्मृति बचत तथा ऋण सहकारी संस्था लिमिटेडमा नेफ्स्कूनले सञ्चालन गरिरहेको नियमित निरिक्षण तथा अनुगमन कार्यक्रम (स्क्यान) सम्बन्धी अभिमुखिकरण भाद्र ११ गते सम्पन्न गरेको छ ।

अभिमुखिकरण कार्यक्रममा नेफ्स्कूनबाट कार्यक्रम अधिकृत सुमनराज घिमिरे र व्यवसाय सहायक लक्ष्मीप्रसाद मानन्धर एवम् संस्थाका अध्यक्ष रामकृष्ण श्रेष्ठ सहित सञ्चालक समिति, लेखा सुपरिवेक्षण समिति तथा व्यवस्थापन गरी ९ जनाको सहभागिता रहेको थियो ।

कार्यक्रममा नेफ्स्कूनका कार्यक्रम अधिकृत सुमनराज घिमिरेले स्क्यान कार्यक्रममा सहभागिताको औचित्य, उद्देश्य तथा प्रभावकारिताबारे सहजीकरण गर्नुभएको थियो ।

अभिमुखिकरणपछि सहभागीहरूले स्क्यान कार्यक्रममा सहभागी हुने सम्बन्धमा सञ्चालक समितिबाट आवश्यक निर्णय गरी कार्यान्वयन प्रक्रियामा अघि बढ्ने प्रतिबद्धता व्यक्त गरेका छन् ।