लेटाङ,मोरङ । बचत तथा ऋण सहकारी संस्थाहरूको अन्तर्राष्ट्रिय गुणस्तर सुनिश्चितता कार्यक्रम एक्सेस (ACCESS) ब्रान्डिङ अन्तर्गत प्राविधिक मुख्य सूचकहरूमाथि केन्द्रित रही एकिकृत जनभावना बचत तथा ऋण सहकारी संस्था लि मा स्थलगत सुपरिवेक्षण तथा प्रतिवेदन समीक्षा कार्य सम्पन्न भएको छ ।

नेपाल बचत तथा ऋण केन्द्रीय सहकारी संघ लि (नेफस्कून) का वरिष्ट अधिकृत प्रेमनाथ वाग्लेले सुपरिवेक्षण पश्चात संस्थाको दीगो विकासका लागि एक्सेसका सूचकहरुमा रही सञ्चालक समिति र व्यवस्थापनसँग उक्त प्रतिवेदनमा छलफल भई सुधारका रणनीतिहरु तय भएका छन । ऋण व्यवस्थापन, आन्तरिक नियन्त्रण प्रणाली, सम्पत्ति शुद्धीकरण निवारण कार्यान्वयनका लागि नीति अद्यावधिक लगायतका विषयहरुमा छलफल भएको थियो । 

छलफलमा संस्थाका अध्यक्ष हेरम्बराज भट्टराई, एक्सेस कार्यदल संयोजक कृष्ण प्रसाद भण्डारी, कार्यदल सदस्यहरु करण ढकाल, भवानी शंकर चापागाई, सहव्यवस्थापक टंकबादुर मच्कोटी एवम सेवाकेन्द्र प्रमुखहरुको उपस्थिति रहेको थियो ।