काठमाडौं । नेफ्स्कूनको सर्लाहीस्थित फिल्ड कार्यालय व्यवस्थापन उपसमितिको बैठकमा गत आर्थिक वर्षको फिल्डको लक्ष्य र प्रगतिको समीक्षाका साथै चालु आर्थिक वर्षको निर्धारित लक्ष्य हासिल गर्ने विषयमा छलफल भएको छ । उपसमितिको आज बसेको बैठकमा कोभिड–१९ को प्रभाव विश्लेषण गर्दै उपसमितिमार्फत कसरी कामकारवाही अघि बढाउने भन्ने विषयमा छलफल भएको थियो । विभिन्न किसिमका प्रतिबन्धात्मक अवस्था र तिनले पारेको प्रभावका बारेमा विश्लेषण गर्दै आगामी दिनमा के कस्ता कार्यक्रमहरु कसरी अघि बढाउने भन्ने सम्बन्धमा छलफल भएको छ । नेफ्स्कूनकी उपाध्यक्ष शान्ति अधिकारी संयोजक रहनुभएको सर्लाही फिल्ड कार्यालय व्यवस्थापन उपसमितिको सदस्यहरुमा बाबुराम घिमिरे, बिभू कुमार पोखरेल, जवाहरलाल कुशवाह, बेनी बहादुर कार्की, निर्मलादेवी कार्की र भुपेन्द्र कुमार महतो सदस्य हुनुहन्छ ।