तनहुँ । जिल्लाको तीनखोले बचत तथा ऋण सहकारी संस्था लि. ले आज आफ्नो सातौं बार्षिकोत्सव विविध सामाजिक उत्तरदायित्वपूर्ण कार्य गर्दै मनाएको छ । नेपाल बचत तथा ऋण केन्द्रीय सहकारी संघ लि. (नेफ्स्कून) को सदस्य संस्था शुक्लागण्डकी नगरपालिका वडा नं. ७, खैरेनीटार तनहुँ स्थित तीनखोले बचत तथा ऋण सहकारी संस्था लि. ले बार्षिकोत्सवका अवसरमा सदस्यहरुको मधुमेह तथा रक्तचाप परीक्षण गराएको हो । 

संस्थाको कार्यालय भवन प्राङ्गणमा आयोजित उक्त कार्यक्रममा संस्थाका अध्यक्ष शेर बाहादुर श्रेष्ठको अध्यक्षता र शु.न.पा वडा नं. ७ का वडा अध्यक्ष राम बाहादुर थापाको प्रमुख आतिथ्यता रहेको थियो ।
 
कार्यक्रममा भिमाद न.पा.८ का वडा अध्यक्ष, संस्थाका उपाध्यक्ष उपेन्द्र तिमिल्सीना, संस्थाको शिक्षा उपसमिती सदस्य बुद्धीमान श्रेष्ठ लगायतले शुभकामना मन्तव्य राख्नुभएको थियो ।  

जी.पी कोइरला राष्ट्रिय श्वास प्रश्वास उपचार केन्द्र बेलचैतारा तनहूँ को प्राविधीक सहयोगमा सञ्चालित उक्त कार्यक्रममा २०० जनाको स्वास्थ्य जाँच गराइएको थियो । 

कार्यक्रम सञ्चालन संस्थाका सचिव समुन्द्र राम श्रेष्ठले गर्नुभएको थियो ।