काठमाडौं । नेपाल बचत तथा ऋण केन्द्रीय सहकारी संघ लि. नेफ्स्कूनका पदाधिकारीहरुद्वारा आज सहकारी विभागका नवनियुक्त रजिष्ट्रार लीला प्रसाद शर्मालाई बधाई तथा शुभकामना प्रदान गरिएको छ । संघका अध्यक्ष परितोष पौड्याल, बरिष्ठ उपाध्यक्ष चन्द्रप्रसाद ढकाल, कोषाध्यक्ष दिपक पनेरु र कामु प्रमुख कार्यकारी अधिकृत प्रकाश प्रसाद पोखरेल सहितको टोलीले रजिष्ट्रार शर्मालाई विभागकै कार्यकक्षमा पुगी बधाइ एवम् शुभकामना व्यक्त गरेको हो । 

सोही अवसरमा विभागमा आयोजित एक संक्षिप्त अन्तरक्रियाका क्रममा नेफ्स्कून पदाधिकारीहरुले बचत ऋण सहकारी अभियान र नेफ्स्कूनको आगामी कार्यदिशाको सन्दर्भमा रजिष्ट्रार शर्मालाई जानकारी गराउनुभयो थियो । रजिष्ट्रार शर्माले सहकारी अभियानबाट प्राप्त सबै विषयहरुमा गहन अध्ययन र विश्लेषण गरेर सहकारीको नियमन र सुशासनको पाटोलाई कसरी अगाडि बढाउन सकिन्छ, त्यसमा सबैपक्षबीच सहकार्य मार्फत अगाडि बढ्ने बचतबद्धता व्यक्त गर्नुभएको थियो ।

नवनियुक्त रजिष्ट्रार शर्माले गत फागुन २६ गतेबाट विभागको जिम्मेवारी सम्हाल्नुभएको हो ।