काठमाडौं । नेपाल राष्ट्र बैंकले आर्थिक वर्ष २०७८/०७९ को मौद्रिक नीति निर्माणको क्रममै रहेकाले उपयुक्त समयमा ल्याइने जनाएको छ । मौद्रिक नीति ल्याउने सन्दर्भमा सरोकारवालाहरुसँग छलफल भइरहेको भन्दै उपयुक्त समयमा ल्याइने आज बताएको हो । पूर्वगभर्नरहरुसँग छलफल गर्न बाँकी रहेको बैंकले जनाएको छ । सुझाव संकलन गरिरहेको र आन्तरिक तयारी गरिरहेको बैंकले बताएको हो ।

आर्थिक वर्ष २०७८/०७९ को मौद्रिक नीति निर्माणको क्रममा विभिन्न सरोकारवाला निकायहरुसँग सुझाव संकलन गर्ने कार्य सम्पन्न भएको र एक दुईवटा सरोकारवाला खासगरी पूर्वगभर्नरहरुसँग सुझाव संकलन गर्ने काम बाँकी रहेको हो । सो सुझाव संकलनको आधारमा केन्द्रीय बैंकले मौद्रिक नीतिको निर्माणको आन्तरिक तयारी पनि सँगसँगै गरिरहेको अवस्था छ। सरकारले आर्थिक वर्ष २०७८र०७९ बजेट अध्यादेशबाट ल्याएको र हाल सरकार समेत परिवर्तन भएको सन्दर्भमा मौद्रिक नीति कहिले आउँछ भन्ने चासोको विषय बनेको छ।  (न्युज एजेन्सी नेपालबाट)