काठमाडौं । सामूहिक बचत तथा ऋण सहकारी संस्था लि. भक्तपुरले आफ्ना सदस्यहरुलाई लघुकर्जा बीमा, जीवन बीमा र सवारी साधनको व्लुबुक नविकरण सुविधा संस्थाको सहजिकरणमा दिने भएको छ । लघुकर्जा बीमा र जीवन बीमाको लागि सिटिजन लाइफ इन्सयोरेन्स कम्पनीसँग र सवारी साधनको व्लुबुक नविकरणको लागि स्मार्ट सर्भिस इन प्रा. लि. सँग सम्झौता गरी सस्थाले आफ्ना सदस्यहरुलाई उक्त सुविधा दिन लागेको हो । 

लघुकर्जा बीमा अन्तर्गत संस्थाबाट ऋण लिई कारोबार गर्ने सदस्यहरुको अधिकतम रु. ५ लाख सम्मको अनिवार्य लघुकर्जा बीमा गर्नु पर्ने व्यवस्था गरेको छ । साथै व्लुबुक नविकरण सुविधा अन्तर्गत संस्थाका सदस्यहरुको दुई पांग्रे, चार पांग्रे लगायत ठूला सवारी साधनको समेत संस्थाको सहजिकरणमा व्लुबुक नविकरण सुविधा उपलब्ध हुने कुरा संस्थाका व्यवस्थापक कविन्द्र धौबन्जारले जानकारी दिनुभयो ।