सुर्खेत । नेफ्स्कूनको आयोजनामा कर्णाली प्रदेशस्तरीय ‘साझा सेवाहरुको सबलीकरण तथा सञ्जाल निर्माण अभियान’ कार्यक्रम आज सुर्खेतको वीरेन्द्रनगरमा सुरु भएको छ । बचत तथा ऋण सहकारी अभियानमा संलग्न तथा सरोकारवालाहरुबीच अभियानका सामयिक सवालहरुमा साझा अवधारणा विकास गरी साझा सेवाहरुको प्रबलीकरण तथा सञ्जाल निर्माणको उद्देश्यले सञ्चालित २ दिने उक्त कार्यक्रमको अध्यक्षता नेफ्स्कूनका सञ्चालक यज्ञ प्रसाद ढकालको गर्नुभएको छ भने प्रमुख अतिथि कर्णाली प्रदेशका भूमि व्यवस्था, कृषि तथा सहकारी मन्त्री कुर्मराज शाही हुनुहुन्छ । बिशेष अतिथिमा  नेफ्स्कूनका कोषाध्यक्ष दिपक पनेरु रहनुभएको छ । कार्यक्रममा प्रदेशका सम्पुर्ण जिल्लाका जिल्ला संघ अध्यक्ष तथा व्यवस्थापन प्रमुख लगायतका प्रतिनिधिहरु गरी करिब २ सय जनाको सहभागिता रहेको छ । कार्यक्रममा विषयबस्तु प्रस्तुतीकरण तथा सहजीकरण नेफ्स्कूनका प्राचार्य गणेश प्रसाद तिमिल्सनाले गर्नुहुने कार्यक्रम छ ।