नवलपुर । जनचेतना साकोस, देवचुलि नपा १७, नवलपुरको संस्थागत विकास तालिम आजबाट सुरु भएको छ । कार्तिक ६ गतेसम्म सञ्चालन हुने तालिममा २३ जनाको सहभागिता रहेको छ । माढि नपा ८, अयोध्यापुरी मध्यावर्ति सामुदायिक होमस्टेमा सञ्चालित तालिमको उद्घाटन कार्यक्रमको अध्यक्ष्यता संस्थाका अध्यक्ष चन्द्र प्रसाद तिवारीले गर्नुभएको थियो भने स्वागत मन्तव्य संस्थाको शिक्षा समिति सदस्य संगिता बराल सापकोटाले राख्नुभएको थियो । यस्तै,अतिथि संस्थाका सल्लाहकार एवम् नवलपुर जिल्ला सहकारी संघका सचिव पिमलाल भट्टराई रहनुभएको थियो । तालिम सहजिकरण नेफ्स्कूनका तालिम अधिकृत सुमनराज घिमिरे र रविन्द्र श्रेष्ठले गर्नुभएको छ ।