काठमाडौं । सहकारी विभागको रजिष्ट्रारमा झलकराम अधिकारी सरुवा हुनुभएको छ । यसअघि सुदरपश्चिम प्रदेशको आर्थिक मामिला मन्त्रालयका सचिव अधिकारीको संघीय सहकारी विभागमा सरुवा भएको हो । कुशल प्रशासकका रुपमा परिचित उहाँले विगतमा अर्थ मन्त्रालय अन्तर्गतको सार्वजनिक वित्त व्यवस्थापन तालिम केन्द, पोखरा उपमहानगरपालिकाको प्रमुख कार्यकारी अधिकृत लगायतका जिम्मेवारी बहन गरिसक्नुभएको छ । कास्कीको अन्नपूर्ण गाउँपालिकाका अधिकारीले निजामती सेवा तथा सार्वजनिक प्रशासनसम्बन्धी पुस्तकहरु पनि प्रकाशित गर्नुभएको छ । उहाँका पत्नी, दुई छोरी र एक छोरा हुनुुहुन्छ ।