आधारशिलामा साझेदारी, वित्तीय पहुँच र स्व–रोजगारी

नेपाल बचत तथा ऋण केन्द्रीय सहकारी संघ लि.(नेफ्स्कून) ले स्थानीय तहको मातहतमा रहेका ग्रामीण र दुर्गम क्षेत्रमा सञ्चालित सहकारी संस्थाहरुमा सहकारी सञ्चालन, व्यवस्थापन तथा ज्ञान सीप अभिबृद्धि गरी सुशासित र व्यवस्थित संस्था निर्माणका लागि स्थानीय तहसँगको साझेदारीमा आधारशिला कार्यक्रम अगाडि बढाइएको छ । वित्तीय पहुँच अभिबृद्धि, सहकारी संस्थाहरुको दीगो संस्थागत विकास, सञ्जालीकरण र उद्यमशीलता मार्फत सदस्यहरुको जीवनस्तर सुधार गर्ने अभिप्राय राखी सहकारी क्षेत्रमा प्राप्त उपलब्धिको सम्बर्धन गर्न नेफ्स्कूनले ३३औं स्थापना दिवसको अवसरमा २०७७ साउन ३२ गते प्रारम्भ गरी कार्यान्वयनको चरणमा रहेको र हालसम्म १८ स्थानीय तहहरुसँग कार्यान्वयन सम्झौता भएको छ । 

चरणहरुः

कार्यक्रमको उद्देश्यः

स्थानीय तहसँगको सहकार्य तथा साझेदारीमा सहकारीहरुको प्रवर्धन तथा व्यावसायिकता विकास गरी पहुँच अभिबृद्धि गर्ने, 
सहकारी संस्थाहरुको दीगो संस्थागत विकासमा सहयोग तथा सहजीकरण गर्ने, 
सहकारी शिक्षा तथा तालिममार्फत क्षमता अभिबृद्धि गर्ने,
उद्यमशीलतामार्फत स्वरोजगारी प्रवर्धनमा सहयोग तथा सहजीकरण गर्ने,
सञ्जालमा आवद्धतामार्फत सुशासन र स्व नियमनका लागि सहजीकरण गर्ने,

मुख्य कार्यहरु

तथ्याङ्क संकलन र विश्लेषण
क्षमता विकास र सशक्तिकरण
उद्यमशीलता विकास र स्वरोजगारी प्रवर्धन
स्व–नियमन तथा सुशासन प्रवर्धन र सञ्जालीकरण 

आधारशिला कार्यक्रम अन्तर्गत पहिलो बर्ष १२ स्थानीय तहसँग सम्झौता सम्पन्न भएको छ । त्यसैगरी क्रमशः दोस्रो बर्ष २४, तेस्रो बर्ष ३६ र चौथो बर्ष ४८ स्थानीय तहहरुसँग कार्यक्रम सम्झौता गर्ने लक्ष्य संघले अगाडि सारेको छ । 

स्थानीय तहको लागत साझेदारी र नेफ्स्कूनको प्राविधिक सहजीकरणमा सुरु भएको आधारशिला कार्यक्रम मार्फत सहकारी संस्थाको विकास र प्रवर्धन मात्र नभएर नियामक निकायको आँखाबाट सहकारी संस्थालाई गरिनुपर्ने अभ्यासका लागि पनि स्थानीय प्रतिनिधि एवम् कर्मचारीहरुको क्षमता विकासका कार्यक्रमहरुमा संघले सहजीकरणको कार्य समेत अगाडि बढाएको छ ।