काठमाडौं । बागमती प्रदेश भूमि व्यवस्था, गरिबी निवारण तथा सहकारी मन्त्रालयको सचिवमा बलराम निरौला नियुक्त हुनुभएको छ । मन्त्रिपरिषद् बैठकले निरौलालाई उक्त मन्त्रालयको सचिवको जिम्मेवारी दिएको हो । 

यस अघि निरौला प्रदेश १ सहकारी रजिष्ट्रारको कार्यालयको रजिष्ट्रार हुनुहुन्थ्यो ।  उपसचिवबाट सह–सचिवमा बढुवा भएसँगै निरौलाले बागमती प्रदेश भूमि व्यवस्था, गरिबी निवारण तथा सहकारी मन्त्रालयमा जिम्मेवारी पाउनुभएको हो । 

निरौलासँग सहकारीका नियामक निकायका विभिन्न तहमा काम गरेको लामो अनुभव छ । तत्कालिन डिभिजन सहकारी कार्यालय काठमाण्डौ र ललितपुरमा समेत निरौलाले डिभिजन प्रमुख भएर काम गर्नुभएको थियो भने सेवा दौरानमा विभिन्न जिल्लामा सहकारी हेर्ने निकायमा रहेर काम गर्नुभयो ।