म्याग्दी । बेनी नगरपालिका –८ मा सञ्चालित दिदी बहिनी बचत तथा ऋण सहकारी संस्था लि.नेफ्स्कूनको गुणस्तर सुनिश्चितता सम्बन्धी राष्ट्रिय कार्यक्रम प्रोबेसनमा आबद्ध भएको छ । यस सम्बन्धमा नेफ्स्कून र दिदी बहिनी साकोसबीच आज औपचारिक सम्झौता भएको हो ।

साकोसको कार्यालयमा आयोजित एक संक्षिप्त कार्यक्रममा बीच साकोसकी  कार्यवाहक अध्यक्ष विष्णु गौतम सापकोटा र नेफ्स्कूनको तर्फबाट बरिष्ट कार्यक्रम अधिकृत भरत प्रसाद न्यौपानेले उक्त सम्झौतामा हस्ताक्षर गर्नुभएको थियो । हस्ताक्षर कार्यक्रममा साकोसकी कोषाध्यक्ष जगत कुमारी खत्री, सल्लाहकार जमुना आचार्य, व्यवस्थापक समिक्षा ढुंगाना  र नेफ्स्कूनका बेनी सेवा केन्द्र प्रमुख दिनेश थापा उपस्थित हुनुहुन्थ्यो । 

२०६८ सालमा स्थापित बेनी नगरपालिकाभर कार्यक्षेत्र रहेको दिदी बहिनी साकोसमा हाल ८ सय ४३ सेयर सदस्य रहेका छन् । करिब १६ करोडको वासलात रहेको उक्त साकोसमा ७ कर्मचारी कार्यरत छन् ।