काठमाडौं । गोकर्णेश्वर न.पा. ४ मा रहेको चिनारी बचत तथा ऋण सहकारी संस्था लि.ले १३औं स्थापना दिवसको अवसरमा बृहत रक्तदान कार्यक्रमको आयोजना गरेको छ । चिनारी साकोस, चिनारी नेपाल र उत्तरबाहिनी बोर्डिङ स्कूनको आयोजना तथा काठमाडौं जिल्ला बचत संघ (कास्कून) र ब्लड डोनर्स एसोसिएसन (ब्लोदान) को संयोजनमा भएको कार्यक्रममा ७७ जनाले रक्तदान गरेका छन् । 

साकोसले स्थापना दिवसको अवसर पारेर सञ्चालक समिति र लेखा सुपरिवेक्षण समितिलाई अभिमुखीकरण कार्यक्रमको समेत आयोजना गरिएको साकोसका अध्यक्ष न्हुच्छे नारायण श्रेष्ठले जानकारी गराउनुभयो । श्रेष्ठ नेपाल बचत तथा ऋण केन्द्रीय सहकारी संघ लि.(नेफ्स्कून) को सञ्चालक सदस्य समेत हुनुहुन्छ ।  

२०६६ सालमा स्थापित समुदायमा आधारित चिनार साकोसमा हाल २२ सय ३४ जना सेयर सदस्य छन् । साकोसको कुल सम्पती २७ करोड, शेयर पुँजि २ करोड २८ लाख, अन्य कोषहरु ४७ लाख, बचत संकलन २० करोड र ऋण लगानी २१ अर्ब रहेको साकोसले जनाएको छ ।