चितवन । भरतपुर महानगरपालिका १६, गाविस चोक स्थित मंगलपुर बचत तथा ऋण सहकारी संस्थाका सञ्चालकहरुको क्षमता अभिबृद्धि तालिम (CUDCC) काभ्रेको पनेपामा आजबाट सुरु भएको छ । तालिमको उद्घाटन साकोसका अध्यक्ष एवम् तालिम शुभारम्भ कार्यक्रमका सभापति बाबुराम परियारले गर्नुभएको थियो ।

साकोसको आयोजनामा भएको तालिममा नेफ्स्कूनको प्राविधिक सहजीकरण रहेको छ । तालिममा साकोसका सञ्चालक समिति, लेखा सुपरिवेक्षण समिति, उपसमिति र कर्मचारी समेत गरी १८ जनाको  सहभागिता छ । जेठ १२ देखि १६ गतेसम्म सञ्चालन हुने उक्त तालिमको सहजीकरण नेफ्स्कूनका तालिम अधिकृत सुमनराज घिमिरेले गर्नुभएको छ ।

तालिम कार्यक्रममा साकोसका उपाध्यक्ष रामशरण पण्डितले स्वागत मन्तव्य र लेखा समिति संयोजक सुदिप पौडेलले शुभकामना मन्तव्य व्यक्त गर्नुभएको थियो भने व्यवस्थापक रामजी घिमिरेले कार्यक्रम सञ्चालन गर्नुभएको थियो ।