दाङ । दाङमा लेखा सुपरिवेक्षकहरुका लागि क्षमता विकास तालिम सञ्चालन भएको छ । 

नेफ्स्कून फिल्ड कार्यालय दाङका ब्यवस्थापन उपसमिति सदस्य भरत बहादुर बुढाथोकीको अध्यक्षता तथा फिल्ड कार्यालय ब्यवस्थापन उपसमिति सदस्य तथा दाङ जिल्ला बचत तथा ऋण सहकारी संघ लि. का अध्यक्ष बिमल अधिकारीको आतिथ्यता रहेको थियो । तालिममा शुभकामना तथा स्वागत मन्तब्य बिमल अधिकारीले गर्नु भएको थियो ।

तालिममा दाङ फिल्ड कार्यालय अन्तर्गत रहेका विभिन्न रुकुम पुर्व, रुकुम पश्चिम, रोल्पा, सल्यान, प्यूठान, दाङ गरि ६ वटा जिल्लाबाट विभिन्न २८ वटा सहकारीका ३० जना लेखासुपरिवेक्षकहरुको सहभागिता रहेको छ । फल्गुन ४ र ५ गते सञ्चालन हुने लेखा सुपरिवेक्षकहरुको क्षमता विकास तालिमका मुख्य प्रशिक्षकमा नेफ्स्कूनका तालिम अधिकृत सुमन राज घिमिरे रहनुभएको छ भने कार्यक्रम सञ्चालन फिल्ड कार्यालय ईन्चार्ज बिष्णु जोशीले र ब्यवस्थापन फिल्ड कार्यालय सहायक दिनेश महराले गर्नुभएको थियो ।