धादिङ । गोर्खा जिल्ला बचत संघको नवनिर्वाचित सञ्चालक समितिलाई बधाई तथा शुभकामना प्रदान गरिएको छ । नेफ्स्कून फिल्ड कार्यालय धादिङको आयोजनामा विहिबार गोर्खामा आयोजित कार्यक्रममा नेफ्स्कूनका अध्यक्ष परितोष पौड्यालले नवनिर्वाचित सञ्चालक समिति र लेखा सुपरिवेक्षण समितिलाई बधाई तथा शुभकामना ज्ञापन गर्नुभएको थियो ।  

लमजुङ फिल्ड कार्यालय व्यवस्थापन उपसमिति सदस्य रामबाबु श्रेष्ठको अध्यक्षतामा कार्यक्रम समापन भएको थियो । 

गोर्खा जिल्ला बचत संघको यहि मिति २०७९ माघ २३ गते सोमबार बिशेष साधारणसभा सम्पन्न भई तिर्थ बहादुर नेपालीको अध्यक्षतामा नयाँ सञ्चालक समिति निर्वाचित भएको थियो । 

समितिको उपाध्यक्षमा कृष्ण कुमार श्रेष्ठ, महासचिव सुशिल अर्याल, कोषाध्यक्ष तारा बस्नेत र सदस्यहरुमा क्रमशः दिलमान श्रेष्ठ, बद्री प्रसाद लामिछाने, ओम बहादुर श्रेष्ठ, लक्ष्मी ढकाल निर्वाचित हुनुभएको छ । त्यसैगरी लेखा सुपरिवेक्षण समितिको संयोजकमा भिम बहादुर खत्री र सदस्यहरुमा विशाल श्रेष्ठ र विनिता श्रेष्ठ निर्वाचित हुनुभएको छ ।