काठमाडौं । आउँदो शनिबार असार २२ गते (६ जुलाई २०२४) १०२औं अन्तर्राष्ट्रिय सहकारी दिवस, ३०औं संयुक्त राष्ट्र संघीय अन्तर्राष्ट्रिय सहकारी दिवस तथा ३१औं राष्ट्रिय सहकारी महासंघ दिवसका रुपमा मनाइँदैछ । अन्तर्राष्ट्रिय सहकारी दिवसका अवसरमा विश्वभरका सहकारी संघ संस्थाहरुले विविध कार्यक्रम आयोजना गरेका छन् ।

यो वर्ष ६ जुलाईको संयोग भनेको भारतमा छुट्टै सहकारी मन्त्रालय स्थापनाको तेस्रो वार्षिकोत्सव पनि हो । भारत सरकारले सहकारी क्षेत्रलाई बिशेष महत्व दिदैं सन् २०२१ को जुलाई ६ मा सहकारिता मन्त्रालय गठन गरेको थियो ।

यसैबीच, अन्तर्राष्ट्रिय सहकारी दिवसको अवसरमा राष्ट्रिय सहकारी महासंघ नेपालले विशेष समारोह आयोजना गर्दैछ । महासंघले उक्त दिन नेपालको सहकारी अभियानमा उत्कृष्ट कार्य गर्ने सहकारी संघ संस्था तथा व्यक्तित्वलाई पुरस्कार र उत्कृष्ट सहकारी संघ संस्थासम्बन्धी वृत्तचित्र समेत प्रर्दशन गर्ने कार्यक्रम तय गरेको छ ।