काठमाडौं । नेफ्स्कून रुपन्देही सदस्य सेव कार्यालयको आयोजनामा व्यवसाय प्रबर्द्धनका लागि व्यवस्थापकहरुसँग अन्तरक्रिया कार्यक्रम सम्पन्न भएको छ ।

नेफ्स्कून सञ्चालक एवम् रुपन्देही सदस्य सेव कार्यालय व्यवस्थापन उपसमिति संयोजक ज्ञानु पौड्यालको अध्यक्षतामा आयोजित कार्यक्रममा १९ साकोसबाट ४४ जनाको सहभागिता रहेको थियो ।

कार्यक्रममा नेफ्स्कून सञ्चालक पौड्यालले संघको पछिल्लो अवस्था, रणनीतिक मार्गचित्रमा उल्लिखित सञ्जाल साझेदारी, स्तरीकरण कार्यक्रम, स्थिरीकरण कोष, संघको पहलमा भएका बहसपैरवी, आदिबारे जानकारी गराउनुभएको थियो । उहाँले निरन्तर नेफ्स्कूनसँग कारोबार गर्न आग्रह गर्नुभयो ।

कार्यक्रमका सहभागीहरुले सदस्य संस्थाहरु लक्षित तालिम, शिक्षा र कार्यक्रमहरु ल्याउन, सहकारीप्रति बढ्दो नकारात्मक भाष्य चिर्ने गरी आवाज उठाउन, सहकारी ऐन कार्यान्वयन गर्न, ब्याजदर समायोजन गर्न ध्यानाकर्षण गराएका थिए । संघको रुपन्देही सदस्य सेवा कार्यालयकी प्रमुख कल्पना भण्डारीले सञ्चालन गर्नुभएको कार्यक्रममा संघको भुमही सेवा कार्यालय प्रमुख नेत्र प्रसाद सापकोटाले विषयवस्तुमाथि प्रस्तुतीकरण गर्नुभएको थियो ।