काभ्रे । नेपाल बचत तथा ऋण केन्द्रीय सहकारी संघ लि. (नेफ्स्कून) र जिल्ला बचत संघ काभ्रेबीचको सञ्जाल साझेदारी सम्झौता कार्यक्रम अन्तर्गत साकोसमा जोखिम विश्लेषण कार्यशाला (सार) यही पुस २४ गते बुधबार जिल्ल संघको तालिम हलमा सम्पन्न भएको छ । जिल्ला बचत संघमा आबद्ध संस्थाका संचालक समितिका पदाधिकारीहरु र व्वस्थापन प्रमुखहरुहरु लक्षित तालिम संघका शिक्षा तथा तालिम उप समितिका सदस्य पूर्णसागर रंजितको सभापतित्वमा सम्पन्न भएको हो ।

नेफ्स्कूनका कार्यक्रम अधिकृत पबन घिमिरे, र सूचना प्रविधि सहायक मिलन कोइरालाले तालिममा सहजीकरण गर्नुभएको थियो । संघका अध्यक्ष उदयराम कायष्थले सहकारीमा विभिन्न खालका समस्याहरु आउन थालेको भन्दै तिनको यथाशीघ्र निराकरण जरुरी भएको बताउनुभयो ।

सहकारी ऐन २०७४ मा संशोधन गरी जारी गरिएको अध्यादेशमा १० लाख, २५ लाख, ५० लाख सम्मको मात्रै बचत सीमा, दुई कार्यकाल मात्रै संचालक रहन पाउने, देशभरी एक मात्रै सहकारीमा सदस्य रहने जस्ता सिमा तोकीनुले सहकारी संस्थाहरुको वृद्धि विकासमा नकारात्मक असर गर्ने  संघका अध्यक्ष कायस्थले उल्लेख गर्नुभयो ।

कार्यक्रममा प्रारम्भिक संस्थाबाट १२ महिला र १३ पुरुष गरी २५ जनाको सहभागिता थियो । बचत संघका सहायक कार्यकारी अधिकृत रवि कुमार केसीले कार्यक्रम सञ्चालन गर्नुभएको थियो ।