काठमाडौं । नेपाल बचत तथा ऋण केन्द्रीय सहकारी संघ लि. (नेफ्स्कून) को तर्फबाट नेपाल राष्ट्र बैंकका नवनियुक्त गभर्नर डा. विश्वनाथ पौडेललाई हार्दिक बधाई तथा कार्यकाल सफलताको शुभकामना व्यक्त गरिएको छ ।

नेफ्स्कूनका अध्यक्ष चन्द्रप्रसाद ढकाल, बरिष्ठ उपाध्यक्ष दामोदर अधिकारी, महासचिव घनश्याम अधिकारी र प्रमुख कार्यकारी अधिकृत डा. शिवजी सापकोटा सहितको टीमले डा.गभर्नर पौडेललाई नेपाल राष्ट्र बैंक, गभर्नरको कार्यकक्षमा आज भेट गरी समग्र अभियानको तर्फबाट हार्दिक बधाईसँगै कार्यकाल सफलताको शुभकामना व्यक्त गर्नुभएको हो । सो अवसरमा नेफ्स्कून टीमद्वारा बचत तथा ऋण सहकारी अभियानको समसामयिक परिवेशबारे गभर्नर डा. पौडेललाई अवगत समेत गराउनुभएको थियो । डा.पौडेल जेष्ठ ६ गते बसेको मन्त्रीपरिषद् बैठकको निर्णयबाट नेपाल राष्ट्र बैंकको अठारौँ गभर्नरमा नियुक्त हुनुभएको हो ।

भेटका क्रममा अध्यक्ष ढकालले नेपाल बचत तथा ऋण केन्द्रीय सहकारी संघ लि.(नेफ्स्कून) को परिचय, यसले तय गरेका मार्गदर्शन र राष्ट्रिय अन्तर्राष्ट्रिय आबद्धताका सम्बन्धमा संक्षिप्त जानकारी समेत गराउनुभएको थियो ।