मोरङ ।  नेपाल बचत तथा ऋण केन्द्रीय सहकारी संघ लिमिटेड (नेफ्स्कून) द्वारा सञ्चालित नियमित निरिक्षण तथा अनुगमन कार्यक्रम अन्तर्गत लेटाङ बचत तथा ऋण सहकारी संस्था लिमिटेड, मोरङ , लेटाङ को स्थलगत सुपरिवेक्षण कात्तिक २७ गते सम्पन्न भएको छ ।

सुपरिवेक्षणमा सहकारी संस्थाको सदस्यता व्यवस्थापन, वित्तीय विवरण, लेखा परीक्षण, सुशासन प्रणाली र ऋण व्यवस्थापन लगायतका पक्षहरूको मूल्यांकन गरी सुधारका लागि सिफारिसहरू प्रस्तुत गरिएको छ । सुपरिवेक्षणका क्रममा संस्थागत सुदृढीकरण, वित्तीय पारदर्शिता, सुशासन, सदस्य हित संरक्षण, जोखिम व्यवस्थापन, र आन्तरिक नियन्त्रण प्रणालीका विषयमा विशेष ध्यान दिइएको थियो। सुपरीवेक्षणका क्रममा सहकारीको विनियम, कार्यविधि, नियमावली, कर्जा तथा बचत कार्यक्रम, ब्याजदर, सम्पत्ति शुद्धिकरण निवारण नीति, नियामक निकायका निर्देशनहरूको पालना, साथै भाखा नाघेको ऋण असुलीको अवस्था समेत मूल्यांकन गरिएको थियो । साथै स्क्यान कार्यक्रमको बिशेषता, उद्धेश्य र आवश्यकताका बिषयमा छलफल गरिएको थियो । साकोसका अध्यक्ष कृष्ण प्रसाद निरौला, उपाध्यक्ष सीता कुमारी निरौला, सञ्चालक सदस्यहरु र ब्यवस्थापक सीताराम न्यौपाने का साथै ब्यवस्थापनका कर्मचारीहरुको उपस्थिति रहेको थियो ।

नेफ्स्कूनको तर्फबाट कार्यक्रम अधिकृत मुकेश दाहालले साकोसको स्थलगत सुपरिवेक्षण गर्नुभएको थियो ।