कञ्चनपुर ।  नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले मोहना लालझाडी क्षेत्र बचत तथा ऋण सहकारी सस्था लिमिटेड पुनर्वास–१०, भिमबस्ति, कञ्चनपुरमा स्थलगत सुपरिवेक्षण कार्तिक २७ गते सम्पन्न गरेको छ ।

संघले सहकारी संस्थाहरूमा सुशासन, दिगोपना र वित्तीय अनुशासन प्रवद्र्धन गर्ने उद्देश्यले बचत तथा ऋण सहकारीहरूको स्थलगत सुपरिवेक्षण कार्यलाई निरन्तरता दिएको छ । 

सुपरिवेक्षणको उद्देश्य सहकारीहरूलाई राज्य र नियमन निकायसँगको सहकार्य र समन्वय मार्फत नीति, निर्देशिका,मापदण्ड  र कार्यविधिका बारे सचेत बनाउँदै, सदस्यहरूको आर्थिक विकास, सुशासन प्रत्याभूति, र बचतकर्ताको विश्वास अभिवृद्धि गर्ने वातावरण सिर्जना गर्नु रहेको थियो ।

सुपरिवेक्षणमा सहकारीको पूँजी प्रर्याप्तता, ऋण व्यवस्थापन, सदस्यता प्रणाली, आन्तरिक सुशासन, लेखा प्रणाली, र सम्पत्ति शुद्धिकरण निवारण नीति (AML/CFT), भाखा नाघेका ऋण असुली लगायतका पक्षहरूको मूल्यांकन गरी सुधारका लागि सिफारिसहरू प्रस्तुत गरेको छ । अनुगमनका क्रममा स्क्यानका सूचकहरूमा अभ्यास गराई सहकारीको अवस्था विश्लेषण गरिएको र वित्तीय जोखिम मूल्यांकनका साथ सुधारात्मक सुझावहरू प्रदान गरिएको छ ।

संघका तर्फबाट अनुगमन अधिकृत प्रबिण अधिकारी ले स्थलगत अनुगमन गर्नुभएको थियो । सहकारीको तर्फबाट अध्यक्ष प्रेमलता देबी गौतम, सचिब भरत बहादुर चन्द, राम दुलारी राना, तिल बहादुर नेपाली, व्यवस्थापक रमेश राना सहित व्यवस्थापन कर्मचारीहरूको उपस्थिति रहेको थियो ।

सुपरिवेक्षण पश्चात पल्स मापदण्ड अनुसारका सूचकहरूलाई निरन्तरता दिने र सुधारका सिफारिसहरू कार्यान्वयनमा ल्याउने प्रतिबद्धता सहकारीले व्यक्त गर्दे नियमित सुपरिवेक्षण र अनुगमन कार्यक्रमहरूले सहकारीको सुशासन, पारदर्शिता, वित्तीय स्थायित्व र जोखिम न्यूनीकरणमा महत्वपूर्ण योगदान पुर्याइरहेको जनाएको छ  ।