चितवन ।  नेपाल बचत तथा ऋण केन्द्रीय सहकारी संघ लिमिटेड (नेफ्स्कून) र रत्ननगर ०२,चितवन स्थित पेवा बचत तथा ऋण सहकारी सस्थां लिमिटेड र पञ्चतारा महिला बचत तथा ऋण सहकारी सस्था लिमिटेड रत्ननगर ०७,चितवनका दुई साकोस बीच नियमीत निरिक्षण अनुगमन कार्यक्रम (स्क्यान) मा कार्तिक २७ गते आबद्ध भएका छन । 

पेवा साकोसका व्यवस्थापक किशोर भट्टराई र नेफ्स्कून बरिष्ठ सहायक केदारनाथ अधिकारीको रोहबरमा प्रथम पक्ष संघको तर्फबाट व्यवसाय अधिकृत यमकला सुवेदी र दोस्रो पक्ष साकोसको तर्फबाट सचिव बालकृष्ण दाहालको हस्ताक्षरमा सम्झौता सम्पन्न भएको थियो । 

पञ्चतारा महिला साकोसका व्यवस्थापक सिर्जना भट्ट, ऋण प्रमुख दिपिका माझी र नेफ्स्कूनका बरिष्ठ सहायक केदारनाथ अधिकारीको रोहबरमा प्रथम पक्ष संघको तर्फबाट व्यवसाय अधिकृत यमकला सुवेदी र दोस्रो पक्ष साकोसको तर्फबाट अध्यक्ष निर्मला कंडेलकोे हस्ताक्षरमा सम्झौता सम्पन्न भएको थियो । 

सहकारी ऐन, २०७४ को व्यवस्थामा भएका दफा २५, ९९ र १०३ को कार्यान्वयन, सहकारीका सात सिद्धान्तहरू ,वचत तथा ऋण सहकारीका चार सिद्धान्तहरू , पहिलो र दोस्रो पक्षको विनियमको व्यवस्था , पहिलो र दोस्रो पक्षका नीति तथा कार्यक्रमहरूको नीतिगत तथा सैद्धान्तिक वातावरणमा वचत तथा ऋण सहकारीहरूको प्रवद्र्धन पहिलो र दोस्रो पक्षको आपसि सहयोग भएकोले विद्यमान जोखिम पहिचान एवम् व्यवस्थापन गरी सहकारी वित्त क्षेत्रमा उपलव्ध भएका नविनतम प्रविधिहरू उपयोग मार्फत निरन्तर प्रबर्धन, विकास र संरक्षण गर्दै क्षेत्रगत स्थायित्व सुनिश्चित गर्न सहकारी मर्म वमोजिम स्वनियमनको अभ्यास प्रबर्धनका लागि यो सम्झौता गरी कार्यान्वयन गरिएको हो ।