सिन्धुली । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले  सिन्धु बचत तथा ऋण सहकारी संस्था लिमिटेड कमलामाई न.पा. ६, धुराबजार सिन्धुलीको स्क्यान कार्यक्रम अन्तर्गत  स्थलगत सुपरिवेक्षण मंसिर ५ गते सम्पन्न गरेको छ ।

नेफ्स्कूनद्वारा सहकारी संस्थाहरुको जोखिम न्यूनीकरण र सुशासन तथा दिगोपनामा अभिबृद्धिका लागी सहकारी संस्थाहरुमा स्थलगत सुपरिवेक्षणलाई प्रभाबकारी रुपमा अघि बढाइएको हो  । सिन्धु साकोस संघको प्रोवेशन कार्यक्रममा आवद्ध रहेको छ ।

संस्थाको स्तरीकरणका लागि कार्यालय व्यवस्थापन,शेयर र बचत व्यवस्थापन, नियामकिय व्यवस्था परिपालना र ऋण जोखिम व्यवस्थापन लगायत समग्र समसामहिक आर्थिक अवस्था र सहकारीले उपलब्ध गराएको सेवा सुविधाको बिषयमा सुपरिवेक्षण गरीएको थियो । सिन्धुली जिल्ला कमलामाई नगरपालिका भरि कार्यक्षेत्र भएको यस संस्थामा हाल ३४८८ सदस्य र ३९ करोड कुल सम्पत्ति रहेको छ ।

नेफ्स्कून कार्यक्रम अधिकृत सुमनराज घिमिरेद्धारा सहजिकरण गरि संस्थाको सञ्चालक र  ब्यबस्थापन समक्ष छलफल गरि सुधार योजना बनाई  कार्यान्वयन गर्ने प्रतिबद्धता व्यक्त भएको छ  ।