प्यूठान । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले जुम्रि बहाँजोरी बचत तथा ऋण सहकारी संस्था लि। प्यूठान न.पा. ४,टारी प्यूठानको र सुपरिवेक्षण मंसिर  ९ गते सम्पन्न गरेको छ । 

नेफ्स्कूनद्वारा सहकारी संस्थाहरुको पारदर्शिता, उत्तरदायित्व, सदस्यहितको सुनिश्चितता, जोखिम न्यूनीकरण र सुशासन तथा दिगोपनामा अभिबृद्धिका लागी सहकारी संस्थाहरुमा स्थलगत अनुगमन प्रभाबकारी रुपमा अघि बढाइएको हो  । 

संस्थाको स्तरीकरणका लागि  बिभिन्न बिषयहरु जस्तैः बचत, ऋण, ब्याजदर, बार्षिक योजना, सम्पति शद्धिकरण निवारण नितिको पालना, नियामकिय निकायहरुबाट दिएको निर्देशनको परिपालना, संस्थाको भाखा नाघेको ऋण असुली, पुँजी प्रर्याप्तता अनुपात लगायत समग्र आर्थिक अवस्था र सहकारीले उपलब्ध गराएको सेवा सुविधाको बिषयमा सुपरिवेक्षण गरीएको थियो ।

सुपरिवेक्षण पश्चात सञ्चालक समिति, लेखा सुपरिवेक्षण समिति, उपसमिति र कर्मचारीहरुको सहभागीताको साथै नेफ्स्कूनको तर्फबाट बरिष्ठ अधिकृत कोमल राज अधिकारीद्धारा स्क्यान कार्यक्रम अन्तरर्गत स्थलगत रुपमा दिएका सुझावहरु योजना बनाई कार्यान्वयन गर्ने प्रतिबद्धता निर्णय सहित सुपरिवेक्षण सम्पन्न भएको थियो