मोरगं। नेपाल वचत तथा ऋण केन्द्रीय सहकारी संघ लिमिटेड (नेफ्स्कून) ले जागृति बचत तथा ऋण सहकारी संस्था लिमिटेड मोरगंको मंसिर १५ गते स्थलगत सुपरिवेक्षण सम्पन्न गरेको छ ।

संघले शुरु गरेको स्क्यान कार्यक्रम अन्तर्गत सहकारी क्षेत्रको पारदर्शिता, उत्तरदायित्व र सदस्य हितको सुनिश्चितताका लागि सहकारी संस्थाहरुमा स्थलगत सुपरिवेक्षण प्रभावकारी रूपमा अघि बढाइएको छ । बचत, ऋण, लेखापरीक्षण, लगानी तथा आर्थिक कारोबारको वास्तविक स्थिति, सदस्यहरूले पाउनुपर्ने सेवा सुविधा, लाभांश तथा समावेशी सहभागिता, संस्थाभित्र सम्भावित त्रुटी, आर्थिक जोखिम र व्यवस्थापकीय सुधारका लागि सुझाव दिनु र संस्थाको निर्णय प्रक्रिया, नेतृत्वको पारदर्शिता, उत्तरदायित्व र सदस्य सहभागिता मूल्यांकन साथै प्रविधिमा आधारित सदस्य सुचना प्रणालीको अधिकतम प्रयोग मार्फत जोखिम विश्लेषण गरी जोखिम न्यूनिकरणका उपायको खोजि गर्नु सुपरिवेक्षणको उद्देश्य रहेको छ ।

नेफ्स्कूनको तर्फबाट कार्यक्रम अधिकृत मुकेश दाहाल र जागृति साकोसबाट अध्यक्ष वीरेन्द्र श्रेष्ठ, समितिका सदस्यहरु, ब्यवस्थापक लक्ष्मी प्रसाद न्यौपाने र ब्यवस्थापनका अन्य कर्मचारीहरुको उपस्थिति सहितको स्थलगत सुपरिवेक्षणमा विनियम, निति तथा आन्तरिक कार्यविधि, सम्पत्ति शुद्धिकरण निवारण नितिको नियामकिय निकायहरुबाट दिएको निर्देशनको परिपालना, भाखा नाघेको ऋण असुली, पूँजी पर्याप्तता अनुपात विश्लेषण लगायत समग्र वित्तीय अवस्था र सहकारीले उपलब्ध गराएको सेवा सुविधाको विषयमा छलफल गरी साकोसको पूर्णरुपमा सुधार गर्ने योजना सहित सुपरिवेक्षकबाट दिएका सुझाबहरूलाई साकोसका तर्फबाट कार्यान्वयन गर्दै लैजाने प्रतिबद्धताका साथै  संचालक समितीको आउने बैठकमा स्क्यान कार्यदल निर्माण गर्ने निर्णय भएको छ ।