नेपालगंज, बाँके । नेपाल बचत तथा ऋण केन्द्रीय सहकारी संघ लि. (नेफ्स्कून) बाँके सदस्य सेवा कार्यालयकोे आयोजनामा १ दिने सहकारीमा वित्तीय व्यवस्थापनका लागि पूँजी पर्याप्तता विश्लेषण तालिम मंसिर २५ गते सम्पन्न भएको छ ।

तालिमको अध्यक्षता बाँके बचत संघका अध्यक्ष प्रेम बहादुर शाहा, बाँके सदस्य सेवा कार्यालयका ब्यवस्थापन उप–समिति कृष्ण पाठक, नेफ्स्कूनका प्राचार्य बल्लभ तिमल्सिना लगायत अन्य सहकारी कर्मीको उपस्थिति रहेको थियो ।

बचत संघका अध्यक्ष प्रेम बहादुर शाहाले अहिलेको परिस्थितिमा सहकारीहरुले वित्तीय जोखिमको साथै संस्थाहरु संञ्चालन तथा सुशासनमा जोड दिनुपर्ने बताउनुभयो  । संघले ल्याएका कार्यक्रममा सहभागी हुनको लागी जोड दिनुभयको थियो भने उप समिति कृष्ण पाठकले स्वागत मतब्य राख्नु भएको थियो ।

एक दिने पूँजी पर्याप्तता विश्लेषण तालिमको सहजीकरण नेफ्स्कूनका प्राचार्य बल्लभ तिमिल्सिनाले गर्नुभएको थियो । तालिममा, वित्तिय जोखिम, जोखिम भारीत सम्पत्तीको गणना विधि र पूँजी कोषको गणना विधिको प्रयोगात्मक रुपमा अभ्यास गराउँदै, राष्ट्रिय सहकारी नियमन प्राधिकरणबाट पूँजी कोष सम्बन्धि जारी गरिएको मापदण्डका विषयमा समेत छलफल भएको थियो । प्राधिकरणमा बचत तथा ऋणको मुख्य कारोवार गर्ने सहकारी संस्थाको दर्र्ता प्रक्रियाका विषयमा छलफल गरिएको थियो । तालिममा सहभागिहरुले तालिम समय सान्दर्भिक एकदमै प्रभावकारी रहेको वताउनु भएको थियो । तालिममा बाँके बर्दिया बाट २५ भन्दा बढीको सहभागिता रहेको थियो । कार्यक्रमको सञ्चालन नेफ्स्कून बाँके सदस्य सेवा कार्यालयका ईन्चार्ज यम बहादुर डाँगीले गर्नु भएको थियो भने आवश्यक व्यवस्थापन प्रकाश लुहारले गर्नु भएको थियो ।